Dekhe woh mujhe sadak par uss gaadi ke paas se,
Main thaa andar uss banquet ke——
Khoj rahi thee woh aakhein kisi ko,
Dur jo jaa rahi thee mujhse sadaa ke liye woh…!
Jaise hee mere nain pade unmain,
Rona sa aaya,
Abhi kal,
Uss beete hue kal tak thee woh meri behen,
Aur aaj uska vivaah,
Chale jaana ha usne doosre ghar,
Aur ho jaana ha kisi aur kee usne…;
Main apne kadam rok naa sakaa,
Aur furti dikhaate hue pohonch gayaa,
Fataa—fatt seedhiyan woh charh kar,
Aur dekhne lagay woh nain mujhe,
Uss gaadi kee baari main se,
Thee woh num,
Par jaise mujhe koi fikar see nahi…!
Chand palon main
mein aa pohoncha uss gaadi ke paas,
Woh jo foolon se sajee;
Aur mujhe kuch kuch mehsoos sa hone lagaa,
Mere aas paas ke logon ki aakhein thee num,
Ro ro kar bura haal,
Par,
Mujhe dekh sabh hairan hue,
pareshaan bhee;
Kee,
ladki ka sagaa bhai,
Usse uski bhen ke dur jaane ka koi gumm nahi…?
Sabh sahi thaa jabh tak woh thee meri aakhon ke saamne,
Jaise hee woh doli wali gaadi par sikke baje aur tankaar sunte hee woh chal diye——
Chand palon main meri aakhon ke saamne se ho gaye dur,
Mujhe chinta hone lagi;
Hone lagi mujhe uss bhen kee jisne mujhe badhte hue dekha,
Jisne mujhe nuksaan se bachaya,
sambhal kar rakha iss dunya se,
Ho rahi thee woh mujhse dur…!
Meri aakhein bhar aayi,
Aur uske mere nazar se ojhal hote hee,
Jaise main dahaad maarke rone lagaa;
Saans jaati dekh,
Mere aas paas ke logon ne mujhe sambhala,
Aur paani pilaya,
Paani peete saar hee main apne khwaab kee dunya se ek jhatke se apne shareer main aaya,
Aur chand pal nihaarta rahaa uss pankhe ko jo thaa mere upar…!
Aur baj rahe thay 2:57 am….
Sapna thaa ek jo likha maine upar,
naa jaane kyon par khoob roya main uss subeh…!
pyaar ho hee jaata ha jiske saath aapne zindagi bitayi——
ke nahi…?
Another one of the already answered prompts forcing me to dip into my written posts…!
It’s good to go back and tweak posts written by yourself and relive the memory once again….!
On the other hand,
None of the above happened,
She was happy and we were happy too…!
We will be waiting for her return once a set time period is over and she will stay with us for a week…!
Cheers 🥂
Love Waakiye 🤍
Waakiye 
Leave a comment